काठमाडौं । बुक क्लोज पछि सस्तिएको शेयरमा आकर्षित लगानीकर्ताका कारण यस साताको दुई दिनमै नेप्से सूचक ९२ अंकले सुधार भएको छ । आइतबार ६० अंकले बढेको शेयर बजारमा सोमबार पनि ३२.०३ अंकले सुधार भएको हो ।
साताको दोस्रो कारोबार दिनमा नेप्से सूचक ३२.०३ अंकले बढेर २६१६.९४ अंक कायम भएको छ । सोमबार कारोबार खुल्ने वित्तीकै सुधार हुन थालेको थियो । यस क्रममा अधिकतम २६३४ अंकसम्म पुग्यो । दिनभरिको उताचरढाव क्रममा अन्तिममा १.२४ प्रतिशतले सुधार भएर बन्द भयो ।
सोमबार २३० वटा कम्पनीको ८२ लाख ५ हजार कित्ता शेयर किनबेच हुँदा ४ अर्ब ५३ करोड ५० हजार रुपयाँको कारोबार भएको छ । जस मध्ये १४९ वटा कम्पनीको शेयर मूल्यमा सुधार देखिएको छ भने ४१ वटाको मूल्य घटेको छ ।
आजको कारोबार मध्ये सबै भन्दा धेरै कारोबार हुने पाँच कम्पनीहरुमा हिमालयन डिष्टिलरी, अपि पावर कम्पनी, नविल बैंक, शिवम् सिमेन्ट र नेपाल बङगलादेश बैंक रहेका छन् । आजको वजारमा लगानीकर्ताहरु विशेष गरेर लघुवित्त कम्पनीमा झुमिदा अधिकांस लघुवित्त कम्पनीको सेयर मुल्य बढेको छ ।
सबै भन्दा धेरै मध्य भोटेकोशीका लागानीकर्ताले १० प्रतिशतका दरले कमाउदा तेह्थुम पावर कम्पनीका लागानीकर्ताले २ दशमलव ९२ प्रतिशतले गुमाएका छन । त्यसै गरेर ‘क’ वर्गका कम्पनीहरुको सुचक मापन गर्ने सेन्सेटिभ इन्डेक्स ६.६३ अंकले बढेर ४४८.२३ अंकमा पुगेर वन्द भएको छ ।
