काठमाडौं । निर्धन उत्थान लघुवित्त वित्तीय संस्था,महालक्ष्मी विकास बैंक र नेपाल हाइड्रो डेभलोपरको लाभांश सुरक्षित गर्ने आज अन्तिम दिन रहेको छ । निर्धन उत्थान लघुवित्त वित्तीय संस्थाले साधारण सभा र लाभांश वितरण प्रयोजनको लागि पुस १३ गतेदेखि २५ गतेसम्म बन्द गरेसँगै पुस १२ गते सोमवारसम्म कायम शेयरधनीले साधारण सभामा भाग लिन र लाभांश पाउनेछन् ।
कम्पनीले गत आर्थिक वर्षको मुनाफाबाट शेयरधनीलाई २९ दशमलव ५ प्रतिशत बोनश शेयर र १ दशमलव ५५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २५ गते केन्द्रीय कार्यालय नक्साल भगवतीबहाल, काठमाडौंमा दिउँसो १ बजे शुरु गर्ने जानकारी दिएको छ ।
त्यसैगरी, महालक्ष्मी विकास बैंकले मंसिर १३ गते बुक क्लोज गर्ने भएकाले पुस १२ गते सोमवारसम्म कायम शेयरधनीले साधारण सभामा भाग लिन र लाभांश पाउनेछन् । कम्पनीले गत आवको मुनाफाबाट शेयरधनीलाई २० प्रतिशत बोनश शेयर र १ दशमलव शून्य ५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले पुस २५ गते आर्मी अफिसर्स क्लब, भद्रकालीमा बिहान ११ बजे सभा शुरु गर्ने जानकारी दिएको छ ।
त्यस्तै, नेपाल हाइड्रो डेभलोपरले पुस १३ गते देखि २८ गतेसम्म बुक क्लोज गरेसँगै पुस १२ गते सोमवारसम्म कायम शेयरधनीले साधारण सभामा भाग लिन र लाभांश पाउनेछन् ।
कम्पनीले गत आवको मुनाफाबाट शेयरधनीलाई ७ प्रतिशत बोनश शेयर र शून्य दशमलव ३६ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले पुस २८ गते डिल्लीबजारस्थित रजिष्टर्ड कार्यालयमा दिउँसो ३ बजेबाट सभा शुरु गर्ने जानकारी दिएको छ ।
