काठमाडौं । नविल बैंकले पुस ३० गते ३७ औ वार्षिक साधारणसभा डाकेको छ । कम्पनीले केन्द्रिय कार्यालय तीनधाराबाट साधारणसभा गर्ने भएको हो । कोभिड १९ का कारण शेयरधनीहरुलाई अनलाइन माध्यामबाट जोड्ने भएको छ ।
साधारणभाले सञ्चालक समितिले यस अगाडी प्रस्ताव गरेको ३८ प्रतिशत लाभांश पारित गर्नेछ । बैंकले गत आर्थिक वर्ष २०७७/७८ को मुनाफाबाट ३३.६ प्रतिशत बोनश शेयर र ४.४ प्रतिशत नगद लाभांश पारितका लागि साधारणसभामा पेश गर्ने भएको हो । सभाले संस्थापक समुहबाट प्रतिनिधित्व गर्ने २ जना सञ्चालकको निर्वाचन गर्ने भएको छ ।
सभाले सञ्चालक समितिको तर्फबाट अध्यक्षले प्रस्तुत गर्ने प्रतिवेदन तथा गत आर्थिक वर्षको लेखापरीक्षण प्रतिवेदन, वित्तीय विवरण लगायतका प्रतिवेदन पारित गर्ने प्रस्ताव रहेको छ ।
हाल बैंकको चुक्ता पूँजी १३ अर्ब ८४ करोड रुपैयाँ रहेको छ । प्रस्तावित लाभांश वितरण पछि बैंकको चुक्ता पूँजी १८ अर्ब ४९ करोड रुपैयाँ पुग्नेछ । प्रस्तवित लाभांश पुस १५ गतेसम्म कायम शेयरधनीले प्राप्त गर्नेछन् । साधारणसभा प्रयोजनका लागि पुस १६ गते बुक क्लोज गर्ने भएको छ ।
