काठमाडौं । कालिका पावर कम्पनीले लाभांश प्रस्ताव गरेको छ । कम्पनीले पुस ८ गते बसेको संचालक समितिको बैठकले आर्थिक वर्ष ७७/७८ को मुनाफाबाट आफ्ना शेयरधनीलाई वितरण गर्ने लाभांश प्रस्ताव गरेको हो ।
कम्पनीले हाल कायम चुक्ता पुँजी ६० करोडको १५ प्रतिशतले हुन आउने ९ करोड बराबरको बोनश शेयर र कर प्रयोजनको लागि ० दशमलव ७८९५ प्रतिशतले हुन आउने ४७ लाख ३७ हजार बराबरको नगद गरि कुल १५ दशमलव ७८९५ प्रतिशत लाभांश प्रस्ताव गरेको हो ।
सोही लाभांश पारितका लागि कम्पनीले पुस ३० गते साधारण सभा गर्ने भएको छ । सभा भरतपुर स्थित आफ्नै रजिस्टर्ड कार्यालयमा गर्ने जनाएको छ । सभामा लाभांश सहित अध्यक्षको प्रतिवेदन पारित गर्ने, लेखापरीक्षक प्रतिवेदन पारित गर्ने, लेखापरीक्षक नियुक्त गरि निजको पारिश्रमिक तोक्ने, संचालकको निर्वाचन गर्ने लगायतका प्रस्ताव पारित गर्नेछ ।
कम्पनीले साधारणसभा प्रयोजनको लागि पुस १९ गतेदेखि पुस २१ गतेसम्म बुक क्लोज गर्ने निर्णय गरेको छ । पुस १८ गतेसम्म कायम शेयरधनीले मात्र साधारणसभामा भाग लिन सक्ने छन् ।
