काठमाडौं । समता घरेलु लघुवित्त वित्तीय संस्थाले एफपिओ निष्काशन गर्ने विशेष प्रस्ताव सहित आज पुस ७ गते आठौ वार्षिक साधारणसभा आह्वान गरेको छ । संस्थाले धुलिखेलको मिरावेल रिसोर्टमा विहान साढे ११ बजे साधारणसभा गर्ने भएको हो ।
सभाले आर्थिक वर्ष २०७७७८ को वार्षिक प्रतिवेदन उपर छलफल गरि पारित गर्नेछ । संस्थाले हाल कायम चुक्ता पूँजी २८ करोड ५६ लाख रुपैयाँको ५ प्रतिशत नगद लाभांश र २० प्रतिशतको बोनश शेयर पारितका लागि साधारणसभामा पेश गर्नेछ ।
समता घरेलु लघुवित्त वित्तीय संस्था साविकका समता लघुवित्त र घरेलु लघु बित्त एक अर्कामा मर्जर भइ २०७८ बैशाख २ गतेदेखि सञ्चालन हुँदै आएको छ । मर्जरका कारण संस्थाको शेयर संरचनामा फरेबदल भएको थियो । सोहि क्रममा सर्वसाधारण समुह तर्फ न्युनतम ३० प्रतिशत नहरेकाले ३० प्रतिशत पुर्याउनका लागि एफपिओ जारी गर्ने प्रस्ताव गरिएको छ ।
संस्थाले प्रस्ताव गरेको लाभांश मंसिर २३ गतेसम्म कायम शेयरधनीहरुले मात्रै प्राप्त गर्न सक्ने छन् । साधारणसभा प्रयोजनका लागि संस्थाले मंसिर २४ गतेदेखि पुस ७ गतेसम्म बुक क्लोज गरेको थियो ।
