काठमाडौं । शेयर बजार पछिल्लो एक वर्षको तुलनामा सबैभन्दा न्युनतम विन्दुमा छ । नेप्से सूचक सर्वाधिक उचाइमा रहदा भन्दा अहिलेको अवस्थामा अधिकाम्स कम्पनीको शेयर मूल्य सत प्रतिशतले गिरावट भएको देखिन्छ । बैंकिङ तरलता अभावको चरम प्रभावमा रहेको शेयर बजारमा केहि दिनदेखि सुधार हुने संकेत देखिदै आएको छ ।
बजार अहिले नै अधिकत्म विन्दुमा पुग्ने भन्दा पनि यो अवधिमा शेयर खरिद गर्नेले आगामी चैत बैशाखमा राम्रो आम्दानी गर्न सक्छन् । एक वर्ष अगाडी जुन जुन कम्पनीको शेयर मूल्यमा उछाल आएको थियो ति कम्पनीको शेयर मूल्यमा लगातार सुधार भइरहेको छ ।
मंगलबार सर्वाधिक धेरै ग्रिन डेभलपमेन्ट बैंकको शेयर मूल्य १० प्रतिशतले सुधार भएको छ । त्यस्तै जानकी फाइनान्सको शेयर मूल्यमा पनि सकारात्मक सर्किट लाग्ने क्रममा ५१ रुपैयाँले बढेर ५७१ रुपैयाँ पुगेको छ । व्यवसायिक उत्पादनको अन्तिम तयारीमा रहेको रसुवागढीको शेयर मूल्यमा पनि सर्किट लाग्ने क्रममा २९ रुपैयाँले बढेर ३५१ रुपैयाँ पुगेको छ ।
मंगलबार ग्रिन लाइफ हाइड्रोपावरको ८.२६ प्रतिशत, रिलायन्स फाइनान्स ७.९३ प्रतिशत, माउन्टेन इनर्जी ७.३८ प्रतिशत, आखुखोला जलविद्युत कम्पनीको ७.०७ प्रतिशत, एक्सल डेभलपमेन्ट बैंकको ६.९० प्रतिशत, इन्फिनिटी लघुवित्त ६.६१ प्रतिशत र सिइडिवी हाइड्रोपावरको ६.२४ प्रतिशतले सुधार भएको छ ।
