काठमाडौं । एनएमबि क्यापिटलको पहिलो खुलामुखी सामुहिक लगानी कोष योजनाको इकाईहरु आजबाट खरिद विक्री गर्न सकिने भएको छ । एनएमबि म्युचुअल फण्ड अन्तर्गत संचालन हुने एनएमबि सरल बचत फण्ड – इ नामक खुलामुखी योजनाको इकाईहरु आज पुस ५ गतेबाट खरिद विक्री गर्न सकिने भएको जनाएको छ ।
हालको लागि क्यापिटलको कार्यालय नागपोखरीबाट इकाई खरिद विक्री गर्न सकिने जनाएको छ। आजदेखि बिहीबारसम्म बिहान ११ बजेदेखि दिउँसो ३ बजेसम्म इकाई खरिद विक्री हुने क्यापिटलले जनाएको छ । क्यापिटलका अनुसार शुक्रबार, शनिबार तथा सार्वजनिक बिदाका दिनमा यस योजनाका इकाईहरुको खरिद विक्री बन्द हुनेछ ।
यस खुलामुखी योजनाको एनएमबि बैंक लिमिटेड कोष प्रवर्द्धक तथा एनएमबि क्यापिटल लिमिटेड योजना व्यवस्थापक रहेका छन् । क्यापिटलले एनएमबि म्युचुअल फण्ड अन्तर्गत रहने गरि १ अर्ब आकारको एनएमबि सरल बचत फण्ड ई नामको खुलामुखी योजनाको इकाई निष्काशन गरेको हो ।
