काठमाडौं । सुभम पावर लिमिटेडको सातौं वार्षिक साधारण सभा पुस २३ गते हुने भएको छ । सभा कमलादी, काठमाडौंमा बिहान ११ बजे शुरु हुने कम्पनीले जानकारी गराएको हो । कम्पनीको पुस १ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभाले संचालक समितिको तर्फबाट अध्यक्षले प्रस्तुत गर्ने आर्थिक वर्ष २०७७/०७८ को वार्षिक प्रतिवेदन उपर छलफल गरी पारित गर्ने, आर्थिक वर्ष २०७७/०७८ को लेखा परीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरु छलफल गरि पारित गर्नेछ ।
त्यसैगरी सभाले आर्थिक वर्ष २०७८/०७९ को लेखा परिक्षण गर्न लेखा परिक्षकको नियूक्ति एवंम निजको पारिश्रमिक निर्धारण गर्ने, शेयरको सार्वजनिक निष्काशन गर्ने लगायतका विभिन्न प्रस्ताव पारित गर्नेछ ।
