काठमाडौं । शेयर बजारमा गिरावट आउन थाले सँगै शेयरधितो कर्जा प्रवाह पनि खुम्चिन थालेको छ । भदौ २ गते पछि शेयर बजार लगातार ओरालो झर्ने क्रममा छ । यस अवधिमा कतिपयले शेयरधितो कर्जा सल्टाएको देखिन्छ ।
असार पछिका चार महिनामा यस्तो कर्जा १ अर्ब ३३ करोड रुपैयाँले खुम्चिएको छ । ठुला तथा बाठा लगानीकर्ताले कर्जा सल्टाएको हुन सक्ने विश्लेषकहरु बताउछन् । नेपाल राष्ट्र बैंकले मौद्रिक नीति मार्फत ठुला लगानीकर्तालाई ४/१२ करोड रुपैयाँको सिमा भित्र झार्न निर्देशन दिएको थियो । यसले पनि केहि हदसम्म शेयर कर्जा भुक्तानी भएको हुन सक्छ ।
अर्को तर्फ शेयर बजार लगातार तल झर्ने क्रममा मार्जीन कलका कारणले पनि लगानीकर्ताले शेयर धितो कर्जा सल्टाइरहेका छन् । यो तथ्याङ्क कार्तिक महिनाको हो । मंसिर महिनाको तथ्याङ्क हेर्ने हो भने यस्तो रकम थप घट्ने विश्लेषकहरु बताउछन् ।
कार्तिक महिनासम्ममा बाणिज्य बैंक, विकास बैंक तथा फाइनान्सले एक खर्ब एक अर्ब रुपैयाँको ‘मार्जीन लोन’ प्रवाह गरेका छन् । बैंकहरुले गत असार महिनामा यस्तो कर्जा एक खर्ब ६ अर्ब रुपैयाँ प्रवाह गरेका थिए । असोज महिना सम्ममा एक अर्ब तीन अर्ब रुपैयाँमा खुम्चिएकोमा कार्तिक हुँदा एक खर्ब एक अर्बमा झरेको छ । बैंक वित्तीय संस्थामा तरलता अभाव चुलिएको छ । बैंकहरु नयाँ कर्जा प्रवाह गर्नै नसक्ने अवस्थामा थिए । अर्को तर्फ बजार पनि लगातार ओरालो झर्ने क्रममा छ । यहि हिसावले बजार तल झर्ने हो भने भोलिका दिनमा यस्तो कर्जा अझै घट्न सक्ने छ ।
अघिल्ला वर्षमा शेयर बजार तल्लो विन्दुमा रहदा शेयर धितो कर्जा जम्मा ४०/४५ अर्ब रुपैयाँमा समित थियो । गत वर्षको सुधारले गर्दा कर्जा प्रवाह बढेको हो । जेठ असारमा बैंकिङ प्रणालीमा अधिक तरलता हुने भएकाले बैंकहरुको ध्यान शेयरधितो कर्जामा केन्द्रित थियो । उनिहरुले बोलाइ बोलाइ कर्जा दिन थालेका थिए । अहिले तिनै बैंकहरुले मार्जीन कल गरेर लगानीकर्तालाई हैरान पारिरहेका छन् ।
कुन बैंकको मार्जीन कर्जा कति ?
