काठमाडौं । बुटवल पावर कम्पनीले आर्थिक वर्ष ७७/७८ को मुनाफा बाट आफ्ना शेयरधनीलाई बितरण गर्ने लाभांश प्रस्ताव गरिसकेको छ । कम्पनीले हाल कायाम चुक्ता पुँजीको १० प्रतिशत बोनश र १० प्रतिशत नगद गरी कुल २० प्रतिशत लाभांश प्रस्ताव गरेको हो । कम्पनीको आगामी साधारणसभाले पारित गरेपछि उक्त लाभांश लगानीकर्ताले प्राप्त गर्नेछन् ।
कम्पनीले आगामी पुस २६ गते साधारणसभाको मिति समेत तय गरिसकेको छ कम्पनीले साधारणसभा तथा लाभांश प्रयोजनको लागि पुस ११ गतेदेखि पुस २६ गतेसम्म बुक क्लोज गर्ने निर्णय गरेको छ । त्यसकारण पुस १० गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
कम्पनीको विगत १० वर्षको लाभांश इतिहासलाई हेर्ने हो भने विगत १० वर्षमा जम्मा २२६ प्रतिशत लाभांश वितरण गरेको छ । जसमध्ये कम्पनीले नगद लाभांशलाई फोकस गरेको देखिन्छ । यस बीचमा कम्पनीले १७९ प्रतिशत नगद लाभांश वितरण गरेको छ भने ४७ प्रतिशत मात्र बोनश शेयर वितरण गरेको देखिन्छ ।
विगत १० वर्षको अवधिमा कम्पनीले आर्थिक वर्ष २०७४ /७५ र २०७५ /७६ मा वितरण गरेको थियो । कम्पनीले ती दुई आर्थिक वर्षमा आफ्ना लगानीकर्तालाई २८/ २८ प्रतिशत लाभांश वितरण गरेको थियो । जसमा २०७४/ ७५ मा १० प्रतिशत बोनश शेयर र १८ प्रतिशत नगद लाभांश थियो भने आर्थिक वर्ष २०७५ /७६ मा पनि १० प्रतिशत बोनश र १८ प्रतिशत नगद थियो ।
त्यस्तै, आर्थिक वर्ष २०७६ /७७ मा कम्पनीले १० प्रतिशत बोनश शेयर र १५ प्रतिशत नगद लाभांश वितरण गरेको थियो । कम्पनीले २०७३/ ७४ मा २० प्रतिशत नगद लाभांश मात्र वितरण गरेको थियो । आर्थिक वर्ष २०७२ /७३ मा ७ प्रतिशत बोनश शेयर र २० प्रतिशत नगद लाभांश वितरण गरेको थियो ।
त्यसैगरी कम्पनीले आर्थिक वर्ष २०७१/ ७२ मा २० प्रतिशत नगद लाभांश मात्र वितरण गरेको थियो । २०७० /७१ मा १५ प्रतिशत नगद लाभांश,२०६९ /७० मा कम्पनीले १८ प्रतिशत नगद लाभांश र २०६८ /६९ मा २५ प्रतिशत नगद लाभांश मात्र वितरण गरेको थियो ।
