काठमाडौं । बैंक अफ काठमाण्डू लिमिटेडको २७औं वार्षिक साधारण सभा सम्पन्न भएको छ । सभा नेपाल प्रज्ञा प्रतिष्ठान, काठमाडौंमा सम्पन्न भएको बैंकले जनाएको छ ।
कम्पनीले गत आर्थिक वर्ष ०७७/ ७८ को मुनाफाबाट कुल १४ प्रतिशत लाभांश प्रस्ताव गरेको छ । कम्पनीको कात्तिक ८ गतेको सञ्चालक समितिको बैठकले हाल कायम चुक्ता पूँजीको आधारमा १० प्रतिशत बोनस शेयर र कर प्रयोजनसमेतका लागि ४ प्रतिशत नगद लाभांश वितरणको प्रस्ताव गरेको हो । सभाले उक्त प्रस्ताव पारित गरेको छ ।
कम्पनीको सञ्चालक समितिका अध्यक्ष प्रकाश श्रेष्ठको अध्यक्षतामा सम्पन्न सभाले सञ्चालक समितिको प्रतिवेदन पारित गरेको छ । सभाले गत आथिृक वर्षको नाफा, नोक्सान, हिसाब नगद तथा अन्य वित्तीय अवस्थामाथि छलफल गरी पारित गरेको छ ।
सभा प्रयोजनका लागि कम्पनीले मंसिर १० गते एक दिन बुक क्लोज गरेको थियो । बुक क्लोजको आधारमा मंसिर ९ गतेसम्म कायम शेयरधनीहरुले मात्र लाभांश प्राप्त गर्न योग्य हुनेछन् ।
