काठमाडौं । आज शेयर बजार नेप्से परिसूचक ४ दशमलव २३ अंकले घटेर २,४१४ दशमलव ६२ को विन्दुमा कायम भएको छ । आज बैंकिङ,होटल्स एण्ड टुरिजम, अन्य, माइक्रोफाइनान्स र जीवन बीमा उपसूचक घटेका छन् । आज ९६ वटा कम्पनीको शेयर मुल्य बढेको छ ।
आज दिनभरिमा २२८ वटा कम्पनीको ९८ लाख ७९ हजार १०९ कित्ता शेयर किनबेच हुँदा ४ अर्ब ५८ करोड ८३ लाख ९० हजार रुपैयाँको शेयर कारोबार भएको छ । आज सबैभन्दा धेरै महालक्षी विकास बैंकको १६ करोड ५८ लाख रुपैयाँको शेयर कारोबार भएको छ । बैंकको ५५९ रुपैयाँ शेयर मुल्य रहेको छ ।
त्यस्तै, नेशनल हाइड्रोपावर कम्पनीको १५ करोड ८४ लाख रुपैयाँको शेयर कारोबार भउको छ । कम्पनीको शेयर मुल्य ३५३ रुपैयाँ रहेको छ । अपि पावर कम्पनीको १३ करोड ८८ लाख रुपैयाँको शेयर कारोबार भएको छ । नविल बैंकको १३ करोड २९ लाख रुपैयाँको शेयर कारोबार भएको छ ।
त्यसैगरी आज सबैभन्दा धेरै सामलिङ पावर कम्पनीका लगानीकर्ताले कमाएका छन् । कम्पनीका लगानीकर्ताले ९ दशमलव ९८ प्रतिशतका दरले कमाएका हुन् । दिव्यश्वरी हाइड्रोपावर कम्पनीका लगानकिर्ताले ७ दशमलव ७८ प्रतिशतका दरले कमाएका छन् । आँखुखोला जलविद्युत कम्पनीका लगानकिर्ताले ७ दशमलव ७४ प्रतिशतका दरले कमाएका छन् । आइसीएफसी फाइनान्स कम्पनीका लगानीकर्ताले ६ दशमलव ६१ प्रतिशतका दरले कमाएका हुन् ।
त्यसैगरी आज सबैभन्दा धेरै नयाँ सारथी लघुवित्तका लगानीकर्ताले गुमाएका छन् । कम्पनीका लगानीकर्ताले ५ प्रतिशतका दरले गुमाएका हुन् ।
