काठमाडौं । नेपाल इन्फ्रास्ट्रक्चर बैंक लिमिटेडको तेस्रो वार्षिक साधारण सभा सम्पन्न भएको छ । सभा अनुपम फुडल्याण्ड एण्ड व्याङ्क्वट, बत्तिसपुतली, काठमाडौंमा सम्पन्न भएको छ । सभा भर्चुअल माध्यमबाटसम्पन्न भएको समेत कम्पनीले जनाएको छ ।
सभाले गत आर्थिक वर्ष ०७७/७८ को वार्षिक प्रतिवेदन सहितका वित्तीय विवरणहरु पारित गर्नुका साथै बैंकले प्रस्ताव गरेको ८ प्रतिशत बोनश शेयर र कर प्रयोजनका लागि शून्य दशमलव ४२ प्रतिशत नगद लाभांश समेत पारित गरेको छ ।
साथै, सभामाले सर्वसाधारण शेयरधनीहरुको तर्फबाट संचालक समितिमा प्रतिनिधित्व हुने गरी दुई संचालक लिमा अधिकारी र सुमन पोखरेललाई निर्वाचित गरेको छ ।
साधारण सभा प्रयोजनका लागि बैंकले मंसिर ९ गते एक दिन बुक क्लोज गरेको थियो । त्यसकारण मंसिर ८ गतेसम्म कायम शेयरधनीहरुले मात्र लाभांश प्राप्त गर्न सक्नेछन् ।
