काठमाडौं । मंगलबार शेयर बजार अधिकतम ६ प्रतिशतले बढ्ने क्रममा कारोबार समय भन्दा डेढ घण्टा अगाडी नै बन्द भएको छ । अधिकाम्स कम्पनीमा सकारात्मक सर्किट लाग्ने क्रममा नेप्से सूचक नै ६ प्रतिशतले बढेको छ ।
यस भन्दा अगाडी १२ बजेर ३८ मिनेटमा नेप्से सूचक ५ प्रतिशतले बढेर ४० मिनेट कारोबार रोक्का गरिएको थियो । कारोबार खुलेको १५ मिनेट पनि नवित्दै ६ प्रतिशतले सुधार हुने क्रममा आजकै लागि बजार बन्द गरिएको छ ।
मंगबार नेप्से सूचक १३७ अंकले सुधार भएर २४१८ अंकमा रोकिएको छ । आज ५० भन्दा धेरै कम्पनीमा सकारात्मक सर्किट लागेको छ । त्यस्तै २७ वटा कम्पनीको शेयर मूल्य ९ प्रतिशत भन्दा धेरैले सुधार भएको छ । आज एउटा कम्पनीको पनि मूल्य घटेको छैन ।
नेप्से सूचक अधिकतम विन्दुबाट ९१८ अंकले तल झरेर सुधार हुने संकेत सँगै मंगलबार शेयर बजारमा सकारात्मक सर्किट लागेको छ । गत भदौ २ गते नेप्से सूचक इतिहासकै सर्वाधिक ३१९९ अंक पुगेर तल झर्न थालेको थियो । नेकपा माओवादीका अध्यक्ष पुष्पकमल दाहाल प्रचण्डले शेयर बजार सम्बन्धी टिप्पणी गर्दा आइतबार र सोमबार भारी गिरावट आएको थियो । प्रचण्डको अभिव्यक्तिलाई लिएर घटेको बजार आजै पुर्ती भएको छ ।
नेपाली काङ्ग्रेसको महाधिवेशनबाट नयाँ नेतृत्व आउने निश्चित भए सँगै शेयर बजारमा राम्रो प्रभाव परेको हो । काङ्ग्रेसको अधिवेशन सकिने वित्तीकै देश चुनावी महालोमा प्रवेश गर्ने चर्चाले पनि आज शेयर बजारमा उछाल आएको छ । अधिवेशन सकिने वित्तीकै प्रधानमन्त्री शेर बहादुर देउवाले कम्तिमा पनि स्थानीय तहको चुनावको प्रकृयाँ अगाडी बढाउने छन् । अधिकाम्स कम्पनीको शेयर मूल्यमा सर्किट लागेका कारण कारोबार रकम भने एक अर्ब ८२ करोड रुपैयाँमै खुम्चिएको छ ।
