काठमाण्डौं । नागरिक उड्ययन प्राधिकरणले नेपाल भित्रिने र बाहिरिने यात्रुको अनिवार्य कोरोना बीमा सम्बन्धी प्रावधान लागू गरेको छ ।
मंसिर २९ गतेदेखि अन्तर्राष्ट्रिय उडान भर्ने सम्पूर्ण हवाई सेवा कम्पनीले अनिवार्यरुपमा सम्पूर्ण यात्रुको १४ दिनको होटल क्वारेन्टाइन र ५ हजार अमेरिकी डलर बराबरको औषधोपचार खर्च व्यहोर्ने गरी कोरोना बीमा गर्नुपर्ने प्रावधान लागू गरेको हो । प्राधिकरणको यो निर्णय प्रति हवाई सेवा प्रदायकहरुले असन्तुष्टी जनाउँदै प्राधिकरणको निर्णयले अनावश्यक खर्च र हवाई भाडा खर्चिलो हुने प्रतिकृया दिएका छन् ।
हवाई सेवा प्रदायकहरुले प्राधिकरणको निर्णयले अनावश्यक महँगो हवाई भाडा र झण्झटिलो बीमा दाबी प्रकृयाको कारण पर्यटक आगमनमा नकारात्मक असर पर्ने भन्दै चेतावनी दिएका छन् । विदेशी पर्यटकको लागी मात्र नभएर विदेश उडान भर्ने नेपाली यात्रुको हकमा समेत कोरोना बिमाको व्यवस्था अनिवार्य गरिएको छ ।
