काठमाडौं । आज शेयर बजार भारी अंकले घटेको छ । आज शेयर बजार नेप्से परिसूचक ८८ दशमलव ७० अंकले घटेर २,३६१ दशमलव २७ को विन्दुमा कायम भएको छ । आज ५ वटा कम्पनीको मात्र शेयर मुल्य बढेको छ भने १८४ वटा कम्पनीको शेयर मुल्य घटेको छ । आज सबै उपसूचक रात्ताम्मे भएका छन् । सबैभन्दा धेरै ट्रेडिङ उपसूचक ७ दशलमव ४५ प्रतिशतले घटेको छ ।
आज दिनभरिमा २२८ वटा कम्पनीको ७२ करोड २३ लाख २४० कित्ता शेयर किनबेच हुँदा ३ अर्ब १९ करोड ९१ लाख ७२ हजार रुपैयाँको शेयर कारोबार भएको छ । आज सबैभन्दा धेरै मञ्जुश्री फाइनान्स कम्पनीको शेयर कारोबार भएको छ । कम्पनीको १९ करोड ७७ लाख रुपैयाँको शेयर कारोबार भएको छ ।
त्यस्तै, आज नेशनल हाइड्रोपावर कम्पनीको १३ करोड २८ लाख रुपैयाँको शेयर कारोबार भएको छ । नविल बैंको ११ करोड २३ लाख रुपैयाँको शेयर कारोबार भएको छ । महालक्ष्मी विकास बैंकको ८ करोड ४ लाख रुपैयाँको शेयर कारोबार भएको छ । अपि पावर कम्पनीको ६ करोडमाथिको शेयर कारोबार भएको छ ।
आज सबैभन्दा धेरै युनिलिभर नेपालका लगानीकर्ताले कमाएका छन् । कम्पनीका लगानीकताले २ प्रतिशतका दरले कमाएका छन् । स्वाभिमान लघुवित्तका लगानीकर्ताले पनि २ प्रतिशतका दरले कमाएका छन् । नारायणी डेभलपमेन्ट कम्पनीका लगानीकर्ताले १ दशमलव ४६ प्रतिशतका दरले कमाएका छन् । गुडविल फाइनान्स कम्पनीका डिबेञ्चर इकाइधनीले १ दशमलव ३५ प्रतिशतका दरले कमाएका छन् ।
त्यसैगरी आज सबैभन्दा धेरै नयाँ सारथी लघुवित्तका लगानीकर्ताले गुमाएका छन् । कम्पनीका लगानीकर्ताले १० प्रतिशतका दरले गुमाएका हुन्
