काठमाडौं । सूर्या लाइफ इन्स्योरेन्स कम्पनीले प्रस्ताव गरेको आर्थिक वर्ष २०७६/७७ को लाभांश बीमा समितिबाट स्वीकृत भएको छ । कम्पनीले शेयरधनीहरुलाई कार्तिक १३ गते बसेको सञ्चालक समितिको बैठकले आर्थिक वर्ष २०७६/७७ को मुनाफाबाट चुक्ता पूँजीको १२.७० प्रतिशत बोनश शेयर र बोनश शेयरमा लाग्ने कर प्रयोजनका लागि ०.६६८४ प्रतिशत नगद लाभांश सहित जम्मा १३.३६८५ प्रतिशत लाभांश प्रस्ताव गरेको थियो ।
सूर्या लाइफले प्रस्ताब गरेको लाभांश बीमा समितिले हिजो मंसिर २२ गते स्वीकृति गरेको जनाएको छ । उक्त लाभांश अब कम्पनीको आगामी साधारणसभाले पारित गरेपछि लगानीकर्ताहरुले प्राप्त गर्न सक्नेछन् ।
कम्पनीले आफ्नो स्थापना कालदेखि अहिलेसम्म ७ पटक मात्रै लाभांश दिएको छ ।
सूर्या लाइफको १३.३६ प्रतिशत लाभांश घोषणा, चुक्ता पूँजी २ अर्ब ५४ करोड पुग्ने
