काठमाडौं । आइसिएफसी फाइनान्स लिमिटेड र स्वाभिमान लघुवित्त वित्तीय संस्था लिमिटेडले प्रस्ताव गरेको लाभांश सुरक्षित गर्ने आज अन्तिम दिन रहेको छ । कम्पनीहरुले प्रस्तावित लाभांश वितरण तथा सभा प्रयोजनका लागि मंसिर २३ गते बुक क्लोज गर्ने भएका छन् । यसका आधारमा मंसिर २२ गतेसम्म शेयर किन्नेले यी कम्पनीको लाभांश पाउन तथा सभामा भाग लिन पाउनेछन् ।
आइसीएफसी फाइनान्सले वर्ष गत वर्षको मुनाफाबाट १४ प्रतिशत लाभांश प्रस्ताव गरेको छ । कम्पनी १० प्रतिशत बोनश शेयर र कर प्रयोजनका लागि समेत ४ प्रतिशत नगद लाभांश वितरणको प्रस्ताव गरेको हो ।
उक्त प्रस्ताव पारितका लागि फाइनान्सले पुस ५ गते वार्षिक साधारण सभा बोलाएको छ ।
त्यस्तै, स्वाभिमान लघुवित्तले ३२ दशमलव ३० प्रतिशत बोनस शेयर र कर प्रयोजनका लागि १ दशमलव ७० प्रतिशत नगद लाभांश गरी कुल ३४ प्रतिशत लाभांश प्रस्ताव गरेको छ ।
उक्त प्रस्ताव पारितका लागि स्वाभिमान लघुवित्तले पुस ८ गते वार्षिक साधारण सभा बोलाएको छ ।
