काठमाडौं । स्वाभिमान लघुवित्तको लाभांश सुरक्षित गर्ने भोलि अन्तिम दिन रहेको छ । कम्पनीले साधारण सभा तथा लाभांश प्रयोजनका लागि मंसिर २३ गते एक दिन मात्र बुक क्लोज गर्न लागेको हो । त्यसकारण भोलि मंसिर २२ गतेसम्म कायम शेयरधनीले लाभांश प्राप्त गर्न सक्नेछन् ।
कम्पनीले गत आर्थिक वर्षको नाफाबाट ३२ दशमलव ३० प्रतिशत बोनश शेयर र कर प्रयोजनका लागि १ दशमलव ७० प्रतिशत नगद लाभांश गरी कुल ३४ प्रतिशत लाभांश वितरण गर्ने प्रस्ताव गरेको छ ।
उक्त प्रस्ताव पारितका लागि स्वाभिमान लघुवित्तले पुस ८ गते वार्षिक साधारण सभा बोलाएको छ । कोरोना माहामारीलाई मध्यनजर गर्दै सभा जुम मार्फत गर्ने कम्पनीले जनाएको छ ।
सभामा कम्पनीले गत आर्थिाक वर्षको वित्तीय विवरण, नाफा, नोक्सान, हिसाब नगद प्रवाह लगायतका प्रस्ताव पारित गर्नेछ ।
