काठमाडौं । आज नेपाली बजारमा सुनको मूल्य बढेको छ । आज अघिल्लो कारोबार दिन अर्थात् शुक्रवारको तुलनामा सुनको भाउ सात सय रुपैयाँले बढेको हो । नेपाल सुनचाँदी व्यवसायी महासंघका अनुसार आइतवार छापावाला सुन प्रतितोला ९२ हजार रुपैयाँमा कारोबार भइरहेको छ । शुक्रवार छापावाला सुनको मूल्य प्रतितोला ९१ हजार ३ सय रुपैयाँमा कारोबार भइरहेको थियो ।
त्यसैगरी, तेजाबी सुन प्रतितोला ९१ हजार ५ सय रुपैयाँमा कारोबार भएको छ । आइतवार चाँदीको मूल्य पनि बढेको छ । शुक्रवार प्रतितोला १ हजार १९० रुपैयाँमा कारोबार भएको चाँदी आइतवार १ हजार २ सय रुपैयाँमा खरीदविक्री भइरहेको छ ।
