काठमाडौं । नेशनल हाइड्रोपावर कम्पनीले चालु आर्थिक वर्षको पहिलो त्रैमाशिक अवधिमा ५८ करोड ७४ लाख रुपैयाँ मुनाफा आर्जन गर्न सफल भएको छ । इन्द्रावती जलविद्युत आयोजनाको प्रोभिजनिङ हटे सँगै कम्पनी पहिलो पटक लाभांश दिन सक्ने भएको हो । गत आर्थिक वर्षको यहि अवधिमा कम्पनीको मुनाफा २ करोड ३७ लाख रुपैयाँ थियो ।
कम्पनीले ६१ करोड ७२ लाख रुपैयाँको प्रोभिजनिङ राइट व्याक गरेको छ । प्रोभिजनिङ हटे सँगै ऋणात्मक रहेको जगेडा कोष पनि २३ करोड २२ लाख रुपैयाँले धनात्मक भएको छ । कम्पनीको चुक्ता पूँजी एक अर्ब ३८ करोड रुपैयाँ रहेको छ । चालु आर्थिक वर्षको तीन महिनामा कम्पनीले एक करोड ३५ लाख रुपैयाँ आर्जन गरेको छ ।
कम्पनी इतिहासमै पहिलो पटक लाभांश दिन सक्ने भएको छ । तल्लो इन्द्रावती जलविद्युत आयोजनाको निर्माण कार्य सुरु गरिसकेको हुँदा यसका लागि आवस्यक पूँजी जुटाउनका लागि कम्पनीले हकप्रद शेयर निष्काशन गर्ने चर्चा चलिरहेको छ ।
