काठमाडौं । नेपाल स्टक एक्सचेञ्जमा मुक्तिनाथ विकास बैंक लिमिटेडको बोनश शेयरको मूल्य समायोजन भएको छ । नेप्सेले १७ दशमलव ५७५ प्रतिशत बोनश शेयरको समायोजनपछि शेयरमूल्य ५७१ दशमलव ६४ कायम गरेको छ ।
कम्पनीको अघिल्लो कारोबारको दिन अर्थात मंगलवार कायम अन्तिम शेयरमूल्य ६७२ दशमलव १० को आधारमा शेयरमूल्य समायोजन भएको हो । कम्पनीले लाभांश तथा साधारण सभा प्रयोजनार्थ बुधवार बुकक्लोज गरेसँगै नेप्सेले शेयरमूल्य समायोजन गरेको हो ।
कम्पनीले गत आवको मुनाफाबाट शेयरधनीलाई १७ दशमलव ५७५ प्रतिशत बोनस शेयर र शून्य दशलमव ९२५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो ।
