काठमाडौं । महालक्ष्मी विकास बैंकले २० प्रतिशत बोनश शेयर सहित २१.०५ प्रतिशत लाभांश घोषणा गरेको छ । हिजो आइतबार दिउसो तीन बजे बसेको सञ्चालक समितिको बैठकले चुक्ता पूँजीको २० प्रतिशत बोनश शेयर र बोनश शेयरमा लाग्ने कर प्रयोजनका लागि १.०५२६ प्रतिशत नगद लाभांशको प्रस्ताव गरेको हो ।
सञ्चालक समितिले प्रस्ताव गरेको उक्त लाभांश नेपाल राष्ट्र बैकबाट स्वीकृत भए पछि मात्रै साधारणभामा पेश गर्न सकिनेछ । बैंकको हालको चुक्ता पूँजी तीन अर्ब ३४ करोड रुपैयाँ रहेको छ । प्रस्तावित २० प्रतिशत अर्थात ६६ करोड ८४ लाख रुपैयाँ बोनश शेयर वितरण पछि बैंकको चुक्ता पूँजी ४ अर्ब रुपैयाँ नाघ्नेछ ।
