काठमाडौं । ग्लोबल आइएमई लघुवित्त र मेगा बैंकको लाभांश सुरक्षित गर्ने आज अन्तिम दिन रहेको छ । यी दुई कम्पनीको शेयर आजसम्म किन्नेले प्रस्तावित लाभांश पाउँछन् । ग्लोबल आइएमई लघुवित्तले सभा प्रयोजनका लागि कम्पनीले मंसिर १४ गते ९एक दिन० बुक क्लोज गर्ने भएको छ । बुक क्लोजको आधारमा मंसिर १३ गतेसम्म कायम शेयरधनीले मात्र सभामा भाग लिन तथा लाभांश प्राप्त गर्न सक्नेछन् ।
संस्थाले ९ औं वार्षिक साधारण सभा मंसिर २८ गते हुने भएको छ । संस्थाको कात्तिक ३ गते बसेको सञ्चालक समितिको बैठकले साधारण सभाको मिति तय गरेको हो । सभा होटल पोखरा ग्राण्ड , पोखरा , कास्कीमा बिहान १० बजेबाट शुरु हुने कम्पनीले बताएको छ । सभामा सञ्चालक समितिले प्रस्ताव गरे अनुरुप चुक्ता पूँजीको २८ प्रतिशत बोनश शेयर वितरण प्रस्ताव पारित गर्ने प्रस्ताव रहेको छ ।
सभाले आथिृक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने, कम्पनीको प्रवन्धपत्र र नियमावलीमा संशोधन गर्ने लगायतका प्रस्तावहरु पारित गर्नेछ ।
यस्तै, सभामा गत आर्थिक वर्षको वार्षिक प्रतिवेदन, नाफा–नोक्सान तथा नगद प्रवाह वितरण गर्ने प्रस्ताव समेत पारित गर्ने भएको छ । त्यसैगरी संस्थापक शेयरधनी समूह ‘क’ को तर्फबाट प्रतिनिधित्व गर्ने सञ्चालकको निर्वाचन गर्ने, अन्य कुनै लघुवित्त कम्पनीसँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने एजेण्डा रहेको छ ।
त्यस्तै, मेगा बैंकले साधारणसभा तथा लाभांश प्रयोजनको लागि मंसिर १४ गते १ दिन बुक क्लोज गर्ने भएको छ । त्यसकारण आज मंसिर १३ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
बैंकले मंसिर २८ गते आफ्नो ११औं वार्षिक साधारण सभा आब्हान गरेको छ । सभामा नेपाल प्रज्ञाप्रतिष्ठानमा विहान ११ बजे संचालन गर्ने जनाउको छ । बैंकको मंसिर ६ गते बसेको संचालक समितिको बैठकले उक्त सभाको मिति तय गरेको हो ।
बैंकले आर्थिक वर्ष ७७/७८ को मुनाफाबाट हाल कायम चुक्ता पूँजीको १० प्रतिशत बोनस शेयर र कर प्रयोजनको लागि २ दशमलव ०७ प्रतिशत नगद लाभांश गरि कुल १२ दशमलव ०७ प्रतिशत लाभांश बितरण गर्ने प्रस्ताव गरेको छ । सभाले उक्त प्रस्ताव पारित गर्नेछ ।
त्यस्तै, सभाले बैंकले नया उपयुक्त बैंक तथा वित्तीय संस्थासँग गाभ्ने गाभिने , प्राप्ति गर्ने लगायतका निर्णय गर्ने अख्तियारी संचालक समितिलाई दिने तथा बैंकमा वैदेशिक रणनीतिक साझेदार भित्र्याउने विशेष प्रस्ताव पारित गर्नेछ ।
त्यसैगरी सभाले अध्यक्षको मन्तव्य सहित सञ्चालक समितिको वार्षिक प्रतिवेदन २०७७/७८ पारित गर्ने, मेगा बैंक नेपाल लिमिटेडको आर्थिक वर्ष २०७७/७८ को लेखापरीक्षकको प्रतिवेदन सहित बैंकको मिति २०७८ आषाढ ३१ गतेको एकीकृत वित्तीय अवस्थाको विवरण (वासलात), मिति २०७७ श्रावण १ गते देखि मिति २०७८ आषाढ ३१ गतेसम्मको एकीकृत नाफा नोक्सान विवरण, एकीकृत अन्य विस्तृत आम्दानीको विवरण पारित जनाएको छ । ।
साथै, सभाले एकीकृत नगद प्रवाह विवरण, एकीकृत ईक्विटीमा भएको परिवर्तनको विवरण, प्रमुख लेखा नीतिहरू तथा लेखा सम्बन्धी टिप्पणीहरू, वित्तीय विवरणको अनुसूचीहरू र उद्घोषण तथा अतिरिक्त विवरणहरू सहितको लेखापरीक्षण गरिएको आर्थिक वर्ष २०७७/७८ को वार्षिक वित्तीय विवरणहरू (सहायक कम्पनी मेगा क्यापिटल मार्केट्स लिमिटेड समेतको) उपर छलफल गरी पारित गर्ने ।
सभामा कम्पनी ऐन, २०६३ को दफा १११ अनुसार आर्थिक वर्ष २०७८/७९ को लागि बैंकको लेखापरीक्षक नियुक्त गरी निजको पारिश्रमिक निर्धारण गर्ने । बैंकको प्रबन्धपत्र र नियमावलीमा संशोधन गर्ने लगायतका विविध प्रस्ताव पारित गर्नेछ ।
