काठमाण्डाैं । नेपाल राष्ट्र बैंकले लघुवित्तहरूकाे लागी जारी गरेकाे एकीकृत निर्देशिका २०७७ मा संशाेधन गरेकाे छ । संशाेधनमार्फत् लघुवित्तले गरेकाे लगानीकाे सुरक्षणकाे लागी बीमा गरिएकाे कर्जाकाे जाेखिम व्यवस्था सम्बन्धी प्रावधानमा केही संशाेधन गरेकाे छ ।
राष्ट्र बैंकले लघुवित्त वित्तीय संस्थाले भुक्तानी पाउने गरी जारी गरिएकाे कृषिबाली तथा पशुपंक्षी कर्जाकाे हकमा समेत २५ प्रतिशत मात्र कर्जा नाेक्सानी व्यवस्था कायम गर्नुपर्ने प्रावधान समावेश गरेकाे हाे । यसअघि निक्षेप तथा कर्जा सुरक्षण काेषमा सुरक्षण गरिएकाे कर्जाकाे हकमा मात्र जाेखिमवापत २५ प्रतिशत कर्जा नाेक्सानी गर्न सकिने प्रावधान रहेकाे थियाे ।
