काठमाडौं । कार्तिक अन्तिम साता १० अर्ब रुपैयाँले निक्षेप सुधार भएकोमा मंसिर पहिलो सातामा भने पुनः घट्ने क्रम दोहोरिएको छ । कार्तिक पहिलो सातादेखि लागतार तीन सातासम्म निक्षेप घट्दा बैंकहरुको सिडी रेसियो ९० प्रतिशत नाघेको थियो ।
गएको सातामा १० अर्बले निक्षेप बढ्दा सिडी रेसियो केहि सुधार हुने संकेत देखिएकोमा गत साता थप ८ अर्ब रुपैयाँले निक्षेप घट्दा सिडी रेसियो ९०.५७ प्रतिशत नाघेको छ । यो भनेको अधिकाम्स बैंकहरु कर्जा लगानी गर्नै नसक्ने अवस्थामा पुगेका हुन् ।
मंसिर पहिलो साताको अवधिमा बाणिज्य बैंकले ४२ खर्ब २६ अर्ब रुपैयाँले निक्षेप संकलन गरी ४० खर्ब ४१ अर्ब रुपैयाँ कर्जा लगानी गरेका छन् । पछिल्लो समय रेमिट्यान्सको आप्रवाह पुनः बैंकिङ च्यानल भन्दा बाहिरबाट आउन थालेको बैंकरहरु बताउछन् । गएको वर्ष लकडाउन हुँदा नेपालीहरुले बाध्य भएर रेमिट्यान्स कम्पनी मार्फत पैसा पठाउने गरेका थिए । तर लकडाउन खुला भए सँगै पुनः हुण्डीको कारोबार मौलाएको उनिहरुको तर्क छ । यसले गर्दा पैसा बैंकिङ च्यानल भन्दा पनि बाहिर बाहिरै गइरहेको छ ।
