काठमाडौं । कार्तिक महिनामा बाणिज्य बैंकहरुको निक्षेप संकलन ३५ अर्ब ३१ करोड रुपैयाँले घटेको छ । जवकी यहि अवधिमा बैंकहरुको कर्जा विस्तार भने ३६ अर्ब १२ करोड रुपैयाँले बढेको छ ।
२७ बाणिज्य बैंकहरु मध्ये १९ वटाको निक्षेप खुम्चिएको छ भने ८ वटाको बढेको छ । कार्तिक महिनामा सबैभन्दा धेरै एनआईसी एशिया बैंकको १३ अर्ब ८९ करोड रुपैयाँले निक्षेप घटेको छ । निक्षेप खोसा खोसमा सबैभन्दा अग्र स्थानमा रहने एनआइसी एशिया नेपाल राष्ट्र बैंकको कडाइ पछि केहि शान्त देखिएको हो । त्यस्तै राष्ट्रिय बाणिज्य बैंकको पनि एकै महिनामा १० अर्ब ३४ करोड रुपैयाँको निक्षेप घटेको छ ।
अधिकाम्स बाणिज्य बैंकहरुको निक्षेप घट्दै गर्दा हिमालयन बैंकको भने सर्वाधिक धेरै १४ अर्ब ६० करोड रुपैयाँले निक्षेप बढेको छ । त्यस्तै एनएमबी बैंकको ४ अर्ब ८७ करोड रुपैयाँले निक्षेप बढेको देखिन्छ ।
निक्षेप घट्दै गर्दा अधिकाम्स बैंकहरुले कर्जा विस्तारलाई भने निरन्तरता दिएको पाइन्छ । २७ बाणिज्य बैंकहरु मध्ये ९ वटाको कर्जा विस्तार घटेको देखिए पनि १८ वटा बाणिज्य बैंकहरुले भने थप कर्जा विस्तार गरेका छन् ।
यस अवधिमा सबैभन्दा धेरै कर्जा विस्तार गर्नेमा हिमालयन बैंक नै रहेको छ । निक्षेप बढाउनेमा सबैभन्दा अगाडी रहेको हिमालयको कर्जा विस्तार पनि सबैभन्द धेरै ६ अर्ब ७ करोड रुपैयाँ रहेको छ । सबैभन्दा धेरै कर्जा खुम्चिनेमा राष्ट्रिय बाणिज्य बैंकको २ अर्ब ५६ करोड रुपैयाँ रहेको छ ।
बैंकिङ प्रणालीबाट निक्षेप घट्दै गर्दा कर्जा भने बढिरहेको छ । बैंकहरुले पछिल्लो समय नयाँ कर्जा प्रवाह गर्न सकेका छैनन् । अर्को तर्फ पुराना सहमति भएका कर्जा मात्रै प्रवाह गर्नु पर्ने बाध्यता छ । सिडी रेसियो ९० प्रतिशत नाघिसकेकोले बैंकहरु कर्जा प्रवाह गर्नै नसक्ने अवस्था पुगेका हुन् । कि त बैंकहरुले नयाँ निक्षेप भित्र्याउन सक्नुपर्छ होइन भने राष्ट्र बैंकले केहि नीतिगत व्यवस्था गरिदिएर सहजता प्रदान गर्नु पर्ने देखिन्छ ।
कार्तिक महिनामा बैंकहरुको निक्षेप तथा कर्जा लगानी र असोज महिना सँग तुलना
