काठमाडौं । बैंक अफ काठमाण्डू लिमिटेडले मंसिर २९ गते २७औं वार्षिक साधारण सभा गर्ने भएको छ । कम्पनीको गत कात्तिक २९ गतेको सञ्चालक समितिको बैठकले उक्त सभाको मिति तय गरेको हो । सभा नेपाल प्रज्ञा प्रतिष्ठान, काठमाडौंमा गर्ने बैंकले जनाएको छ ।
सभा प्रयोजनका लागि कम्पनीले मंसिर १० गते एक दिन बुक क्लोज गर्ने निर्णय गरेको छ । बुक क्लोजको आधारमा मंसिर ९ गतेसम्म कायम शेयरधनीहरु मात्र कम्पनीको सभामा भाग लिन र लाभांश प्राप्त गर्न योग्य हुनेछन् ।
कम्पनीले गत आर्थिक वर्ष ०७७/ ७८ को मुनाफाबाट कुल १४ प्रतिशत लाभांश प्रस्ताव गरेको छ । कम्पनीको कात्तिक ८ गतेको सञ्चालक समितिको बैठकले हाल कायम चुक्तापूँजीको आधारमा १० प्रतिशत बोनस शेयर र कर प्रयोजनसमेतका लागि ४ प्रतिशत नगद लाभांश वितरणको प्रस्ताव गरेको हो । सभामा उक्त प्रस्ताव पारित हुनेछ छ।
