काठमाडौं । आरविवि मर्चेण्ट बैंकिङ लिमिटेडले आफ्नो छैठौं वार्षिक साधारण सभा आज कात्तिक ३० गते गर्ने भएको छ । कम्पनीको कात्तिक ५ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभा राष्ट्रिय वाणिज्य बैंकको केन्द्रीय कार्यालय सिंहदरवार प्लाजा, काठमाडौंमा दिउँसो ३ बजे शुरु हुने जनाएको छ ।
सभाले आर्थिक वर्ष २०७७/७८ को नाफाबाट शेयरधनीहरुलाई १० प्रतिशत नगद लाभांश ९कर सहित० वितरण गर्ने प्रस्ताव पारित गर्नेछ ।
साथै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने, नाफा, नोक्सान हिसाव, नगद प्रवाह लगायतका वित्तीय एजेण्डाहरुमाथि छलफल गरी पारित गर्ने जनाएको छ ।
सभाले आर्थिक वर्ष२०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने, कम्पनीको नियमावलीमा संशोधन गर्ने प्रस्ताव पनि पारित गर्नेछ ।
