काठमाडौं । चिलिमे हाइड्रोपावर कम्पनीको मुनाफामा ५.९९ प्रतिशतले गिरावट आएको छ । चालु आर्थिक वर्षको पहिलो त्रैमाशिक अवधिमा कम्पनीले २० करोड ९८ लाख रुपैयाँ मुनाफा आर्जन गरेको छ । जवकी अघिल्लो आर्थिक वर्षको सोहि अवधिमा कम्पनीले २२ करोड ३२ लाख रुपैयाँ मुनाफा आर्जन गरेको थियो ।
यस अवधिमा कम्पनीको विद्युत बिक्री बापतको आम्दानीमा पनि ३.३७ प्रतिशतले गिरावट भएको छ । कम्पनीले ३६ करोड १६ लाख रुपैयाँको विद्युत बिक्री गरेको छ । चुता पूँजी १० प्रतिशतले बढेर ६ अर्ब २८ करोड रुपैयाँ पुगेको छ । पूँजी बढे सँगै मुनाफा घट्दा प्रतिशेयर आम्दानी १३ रुपैयाँमा खुम्चिएको छ ।
