काठमाडौं । सोल्टी होटल लिमिटेडको ४७औं वार्षिक साधारण सभा मंसिर २८ गते हुने भएको छ । कम्पनीले आफ्नै रजिष्टर्ड कार्यालय ताहाचल, काठमाडौंमा बिहान ११ बजे सभा बोलाएको जनाएको छ ।
कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न गर्ने कम्पनीले जनाएको छ । कम्पनीको असोज २२ गते बसेको सञ्चालक समितिको बैठकले सभा गर्ने निर्णय गरेको हो ।
यस वर्ष कम्पनीले शेयरधनीलाई कुनै पनि लाभांश प्रस्ताव भने गरेको छैन ।सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने, सर्वसाधारण शेयरधानीको तर्फबाट प्रतिनिधित्व गर्ने तीन जना सञ्चालकको निर्वाचन गर्ने, स्वतन्त्र सञ्चालक नियुक्ति गर्ने प्रस्ताव पारित गर्नेछ ।
साधारण सभा प्रयोजनको लागि शेयरधनीदर्ता पुस्तिका मंसिर ६ गतेदेखि २८ गते सम्म बन्द रहनेछ । त्यसकारण मंसिर ५ गतेसम्म कायम शेयरधनीले मात्र साधारण सभामा भाग लिन सक्नेछन् ।
