काठमाडौं । बुटवल पावरको मुनाफा ४६ प्रतिशतले बढ्दा पनि प्रतिशेयर आम्दानी १० रुपैयाँ मात्रै छ । कम्पनीले चालु आर्थिक वर्षको पहिलो त्रैमाशिक अवधिमा ७ करोड ५८ लाख रुपैयाँ मुनाफा आर्जन गरेको छ । गत वर्षको यहि अवधिमा हेर्ने हो भने ५ करोड १८ लाख रुपैयाँ मात्रै थियो ।
कम्पनीको विद्युत बिक्री मार्फतको आम्दानी ९ प्रतिशतले बढेर २० करोड ७८ लाख रुपैयाँ रहेको छ । कम्पनीको चुक्ता पूँजी २ अर्ब ९५ करोड रुपैयाँ रहेको छ भने जगेडा कोषमा ४ अर्ब १३ करोड रुपैयाँ रहेको छ ।
