काठमाडौं । गण्डकी प्रदेश अन्तर्गतका ११ जिल्लाहरुमा कृषि क्षेत्रमा बैंक तथा वित्तीय संस्थाले गत आर्थिक वर्षमा २६ अर्ब ३७ करोड रुपैयाँ लगानी गरेका छन् । २०७८ असार मसान्तमा गण्डकी प्रदेशमा बैंक तथा वित्तीय संस्थाहरुले कृषि, वन र माछापालन क्षेत्रमा रु।२६ अर्ब ३७ करोड कर्जा लगानी गरेका छन् । जुन यस प्रदेशमा प्रवाहित कुल कर्जाको ८.५ प्रतिशत हो ।
नेपाल राष्ट्र बैंकले सार्वजनिक गरेको प्रदेशको आर्थिक अवस्थाबारे अध्ययन प्रतिवेदनमा कास्की, स्याङ्जा, तनहुँ, लमजुङ, गोरखा, बाग्लुङ, म्याग्दी, मनाङ, मुस्ताङ, पर्वत र नवलपरासी (पूर्व) मा बैंक तथा वित्तीय संस्थाले यो रकम लगानी गरेका हुन् । बैंक वित्तीय संस्थाबाट भएको कूल कर्जा लगानीको यो ८.५ प्रतिशत मात्र हो ।
राष्ट्र बैंकका अनुसार अघिल्लो आर्थिक वर्षको तुलनामा गत आवमा प्रमुख कृषि बालीले ढाकेको क्षेत्रफल ०.६ प्रतिशतले वृद्धि भएपनि धान, मकै, गहुँ, जौं, फापर र उखु खेती गरिएको क्षेत्रफल घटेको छ । खाद्य तथा अन्य बाली मध्ये धान २.७ प्रतिशत, गहुँ ४.५ प्रतिशत र फापर ०.२ प्रतिशत घटेको छ ।
समीक्षा अवधिमा खाद्य तथा अन्य बालीको उत्पादन ०.७ प्रतिशतले बढेको छ । खाद्य बालीमा कोदोको उत्पादन १.२ प्रतिशत, आलुको उत्पादन ८.२ प्रतिशत, भटमासको उत्पादन ६.५ प्रतिशतले वृद्धि भएको छ ।
कोदो, आलु, भटमासको बालीले ढाकेको क्षेत्रफलमा क्रमशः १.१ प्रतिशत, ०.६ प्रतिशत र ०.७ प्रतिशतले वृद्धि भएको छ । दलहन र तेलहनले ढाकेको क्षेत्रफल क्रमशः ६.८ प्रतिशत र ४.६ प्रतिशत र तरकारी तथा बागवानीले ढाकेको क्षेत्रफल २।४ प्रतिशतले वृद्धि भएको छ ।
फलफूहरुमा स्याउ खेती गरिएको क्षेत्रफल १७.२ प्रतिशत, सुन्तला खेती गरिएको क्षेत्रफल ८.३ प्रतिशत तथा आँप खेती गरिएको क्षेत्रफल ७.३ प्रतिशत र केरा खेती गरिएको क्षेत्रफल ०.९ प्रतिशतले वृद्धि भएको अध्ययन प्रतिवेदनमा उल्लेख छ ।
तरकारी तथा बागवानी तर्फको उत्पादन १.३ र फलफूल तथा मसला बालीको उत्पादन १०.३ प्रतिशतले वृद्धि भएको छ । पशुजन्य उत्पादनतर्पmस दूध उत्पादन १४.४ प्रतिशत, मासुको उत्पादन ७.८ प्रतिशत र माछाको उत्पादन ५२.५ प्रतिशतले वृद्धि हुँदा वनजन्य उत्पादनतर्पm काठको उत्पादन २९.८ प्रतिशतले ह्र्रास आएको छ ।
