काठमाडौं । वोमी लघुवित्त वित्तीय संस्थाले चालू आर्थिक वर्षको पहिलो त्रैमासको वित्रीय विवरण सार्वजनिक गरेको छ । गत आर्थिक वर्षको पहिलो त्रैमासको तुलनामा कम्पनीको नाफा १९५ प्रतिशतले बढी हो । कम्पनीले गत आर्थिक वर्षको पहिलो त्रैमासमा १ करोड ६६ लाख नाफा कमाएको थियो । चालू आर्थिक वर्षको सोही अवधिमा कम्पनीले ४ करोड ९१ लाख रुपैयाँ खुद नाफा कमाएको छ ।
चालू आर्थिक वर्षको पहिलो त्रैमासमा कम्पनीको खुद ब्याज आम्दानी, सञ्चालन नाफामा बृद्धि गरेको छ । समिक्षा अवधिमा कम्पनीले १ करोड १६ लाख खराब कर्जा उठाउन सफल भएको छ ।
४१ करोड १९ लाख ४४ हजार चुक्ता पूँजी रहेको कम्पनीको जगेडा कोषमा ३५ करोड ४५ लाख रुपैयाँ सञ्चित रहेको छ । चालू आर्थिक वर्षको पहिलो त्रैमासमा कम्पनीले ३ अर्ब ६ करोड ८५ लाख रुपैयाँ सापटी लिएर १ अर्ब ९६ करोड २५ लाख निक्षेप संकलन गरी ५ अर्ब २३ करोड ५२ लाख कर्जा लगानी गरेको छ ।
समिक्षा अवधिमा कम्पनीको प्रतिशेयर आम्दानी ४७ रुपैयाँ ७५ पैसा रहेको छ । मूल्य आम्दानी अनुपात ३३.७० गुणा र प्रतिशेयर नेटवर्थ १८६ रुपैयाँ ०६ पैसा रहेको छ ।
