काठमाडौं । कामना सेवा विकास बैंकको साधारण सभा सम्पन्न भएको छ । सभा पार्क भिलेज रिसोर्ट, बुढानिलकण्ठमा सम्पन्न भएको कम्पनीले जनाएको छ ।
सभाले वार्षिक प्रतिवेदनमाथि छलफल गरी, नाफा, नोक्सान, हिसाब नगद प्रवाह प्रस्ताव पारित गरेको छ । त्यस्तै, सभाले सबै पुरानै संचालकहरु निर्बिरोध निर्बाचित गरेको बताएको छ ।
त्यस्तै, गत आर्थिक वर्षको मुनाफाबाट शेयरधनीलाई १८ दशमलव ५० प्रतिशत बोनस शेयर र शून्य दशलमव ९७ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । सभामा उक्त प्रस्ताव समेत पारित गरेको छ ।
कम्पनीले साधारण सभा र लाभांश वितरण प्रयोजनको लागि कात्तिक १० गते बुक क्लोज गरेको थियो । यसका आभारमा कात्तिक ९ गतेसम्म कायम शेयरधनीले लाभांश पाउने भएका छन् ।
