काठमाडौं । आज शेयर बजार २३ दशमलव ७७ अंकले बढेर २,८४३ दशमलव ६२ को विन्दुमा कायम भएको छ । आज बैंकिङ, ट्रेडिङ र इन्भेष्टमेन्ट उपसूचक बाहेक सबै उपसूचक बढेका छन् । आज १३१ कम्पनीको शेयर मुल्य बढेको छ । ४५ वटा कम्पनीको शेयर मुल्य घटेको छ ।
आज दिनभरिमा २३० वटा कम्पनीको ९९ लाख ७७ हजार ४८३ कित्ता शेयर किनबेच हुँदा ६ अर्ब ७ करोड ३७ लाख १६ हजार रुपैयाँको शेयर कारोबार भएको छ । आज सबैभन्दा धेरै महालक्ष्मी विकास बैंकको कारोबार भएको छ । कम्पनीको ४६ करोड ९७ लाख रुपैयाँको शेयर कारोबार भएको छ । कामना सेवा विकास बैंकको २२ करोड १६ लाख रुपैयाँको शेयर कारोबार भएको छ ।
आज नेपाल पुनर्बीमा कम्पनीको २१ करोड ३४ लाख रुपैयाँको शेयर कारोबार भएको छ । नविल बैंकको २१ करोड १७ लाख रुपैयाँको शेयर कारोबार भएको छ । लुम्बिनी विकास बैंकको २० करोड ७४ लाख रुपैयााको शेयर कारोबार भएको छ ।
आज सबैभन्दा धेरै साहस उर्जाका लगानीकर्ताले कमाएका छन्। कम्पनीका लगानकिर्ताले ९ दशमलव ९९ प्रतिशतका दरले कमाएका हुन् । गुडविल फाइनान्स कम्पनीका लगानीकर्ताले ९ दशमलव १६ प्रतिशतका दरले कमाएका छन् । नेपाल पुनर्बीमा कम्पनीका लगानकिर्ताले ८ दशमलव ६८ प्रतिशतका दरले कमाएका हुन् भने कालिका पावर कम्पनीका लगानीकर्ताले ८ प्रतिशतभन्दा बढीका दरले कमाएका छन् ।
आज सबैभन्दा धेरै विशाल बजार कम्पनीका लगानीकर्ताले गुमाएका छन् । कम्पनीका लगानीकर्ताले २ दशमलव ९५ प्रतिशतका दरले गमाएका हुन् । नेपाल बङलादेश बैंक, आरएमडीसी लघुवित्त,सामुदायिक लघुवित्त इन्फिनीटि लघुवित्तका लगानकिर्ताले गुमाएका छन् ।
