काठमाडौं । कुमारी बैंकको मुनाफा १०.१९ प्रतिशतले घटेको छ । चालु आर्थिक वर्षको २०७८/७९ को पहिलो त्रैमाशिक अवधिमा कम्पनीले ५४ करोड ११ लाख रुपैयाँ नाफा आर्जन गरेको छ । जवकी गत आर्थिक वर्षको यहि अवधिमा बैंकले ६० करोड २५ लाख रुपैयाँ मुनाफा आर्जन गर्न सफल भएको थियो ।
बढ्दो निक्षेपको व्याजदर सँगै बैंकको व्याज खर्च बढ्दा खुद व्याज आम्दानी नै २.१९ प्रतिशतले गिरावट भएको छ । यस अवधिमा बैंकले एक अर्ब २८ करोड रुपैयाँ आर्जन गरेको छ । जवकी गत वर्षको यहि अवधिमा बैंकले एक अर्ब ३१ करोड रुपैयाँ आर्जन गरेको थियो ।
चालु आर्थिक वर्षको तीन महिनाको अवधिमा बैंकले एक खर्ब ५५ अर्ब रुपैयाँ निक्षेप संकलन गरि एक खर्ब ५२ अर्ब रुपैयाँ कर्जा लगानी गरेको छ । यस अवधिमा बैंकले खराव कर्जा १.४३ प्रतिशतबाट ०.८२ प्रतिशतमा झार्न सफल भएको छ ।
प्रतिशेयर आम्दानी २ रुपैयाँले घटेर १५ रुपैयाँमा खुम्चिएको छ । आधार व्याजदर भने गत वर्षको तुलनामा ८.४० प्रतिशतबाट ७.८८ प्रतिशतमा झरेको छ । चुक्ता पूँजी १३ अर्ब ७८ करोड रुपैयाँ रहेको बैंकको जगेडा कोषमा तीन अर्ब ९३ करोड रुपैयाँ जम्मा भएको छ ।
