काठमाडौं । मध्य भोटेकोशीको आइपिओ नतिजा सिडिएससीले आईपीओको लागि संचालन गरेको वेबसाइटमा हेर्न सकिने भएको छ । नतिजा हेर्न यहाँ क्लिक गर्नुहोस् ।
मध्य भोटेकोशी जलविद्युत कम्पनीले आज विहान ९ बजे आइपिओ बाँडफाँड सम्पन्न गरेको हो । कम्पनीको प्राथमिक शेयर ८ लाख १९ हजारले १०/१० कित्ताको दरले प्राप्त गरेका छन् । त्यस्तै कम्पनीका कर्मचारीहरुले ३ लाख ६० हजार कित्ता र म्युचुअल फण्डहरुले ४ लाख ५० हजार कित्ता शेयर प्राप्त गरेका हुन् ।
कम्पनीले असोज २० गतेदेखि २५ गतेसम्म सर्वासाधारणका लागि प्राथमिक शेयर निष्काशन गरेको थियो । उक्त अवधिमा २० लाख ८८ हजार भन्दा धेरैले तीन करोड ६ लाख कित्ता भन्दा धेरैका लागि आवेदन दिएका थिए ।
आईपीओ निष्काशनका लागि गराएको रेटिङ्गमा केयर रेटिङ्ग नेपालले कम्पनीलाई केयरएनपी डबल बी आईएस रेटिङ्ग प्रदान गरेको छ। यसले कम्पनीले वित्तीय दायित्व पुरा गर्न सक्ने सम्बन्धमा मध्यम जोखिम रहेको जनाउँदछ।
