काठमाडौं । नेपाल स्टक एक्सचेञ्जमा स्वरोजगार लघुवित्त वित्तीय संस्था लिमिटेड र आशा लघुवित्त वित्तीय संस्था लिमिटेडको बोनश शेयर पछिको शेयर मूल्य समायोजन भएको छ । यी दुई संस्थाको हिजो बुक क्लोज भएसँगै आज शेयर मुल्य समायोजन भएको हो । नेप्सेले स्वरोजगार लघुवित्तको २५ प्रतिशत बोनश शेयर पछिको शेयर मुल्य समायोजन गरी १ हजार २७२ रुपैयाँ तोकेको छ ।
कम्पनीको अघिल्लो कारोबारको दिन अर्थात् बिहीवार कायम अन्तिम शेयर मूल्य १ हजार ५९० रुपैयाँको आधारमा शेयरमूल्य समायोजन भएको हो ।
स्वरोजगार लघुवित्त वित्तीय संस्थाले गत आवको मुनाफाबाट शेयरधनीलाई सभाले २५ प्रतिशत बोनस शेयर वितरण गर्ने प्रस्ताव गरेको छ । यस प्रस्ताव पारित गर्नका लागि कम्पनीले आगामी कात्तिक २७ गते साधारण सभा बोलाएको छ ।
त्यस्तै, नेप्समा आशा लघुवित्त वित्तीय संस्था लिमिटेडको २५ प्रतिशत बोनश शेयर पछिको शेयर मुल्य समायोजन गरी १ हजार ५१९ रुपैयाँ ९२ पैसा शेयर मुल्य तोकेको छ । कम्पनीको हिजो विहीबारको अन्तिम शेयर मुल्य १ हजार ८९९ रुपैयाँ ९० पैसाको आधारमा मुल्य समायोजन भएको हो ।
आशा लघुवित्त वित्तीय संस्थाले गत आवको मुनाफाबाट शेयरधनीलाई २५ प्रतिशत बोनश शेयर र १ दशमलव ३१ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले आगामी कात्तिक २७ गते साधारण सभा बोलाएको छ ।
