काठमाण्डौं । स्वास्थ्य तथा जनसंख्या मन्त्री विरोध खतिवडाले लोपोन्मुख र अल्पसंख्यक जातिलाई निःशुल्क स्वास्थ्य बीमा कार्यक्रममा समेट्ने तयारी भइरहेको जानकारी दिएका छन् ।
बिहीबार मन्त्रालयले आयोजना गरेको पत्रकार सम्मेलनलाई बिहीबार सम्बोधन गर्दै मन्त्री खतिवडाले हालको रकमलाई क्रमबद्धरुपमा घटाउँदै लगेर शुन्यमा झार्ने योजना रहेको जानकारी दिए । लोपोन्मुख जनसंख्याको स्वास्थ्य बीमाको लागी आवश्यक श्रोत जुटाउन मन्त्रालयसँग नै बजेट उपलब्ध भएपनि करिब ३० लाखको संख्यामा रहेका अल्पसंख्यकको लागी श्रोत जुटाउन अर्थमन्त्रालयसँग आवश्यक छलफल भइरहेको जानकारी दिए ।
खतिवडाले १२ वर्षमाथिका सबैलाई कोरोनाविद्धको खोप दिनको लागी एक करोड मात्रा खोप खरिद गर्नको लागी सुरक्षित गरिएको बताए ।
नवनियुक्त स्वास्थ्य मन्त्रीले निःशुल्क बीमा कार्यक्रम घोषणाको तयारी भइरहेको दाबी गर्दा निजामति कर्मचारीको निःशुल्क बीमा गर्ने कार्यक्रम भने चालू आर्थिक वर्षको तीन महिना पुरा भइसक्दा पनि कार्यान्वयनमा आएको छैन । स्वास्थ्य बीमा बोर्डका अनुसार सरकार अझै कर्मचारीको निःशुल्क बीमा सम्बन्धी कार्यविधीमै अल्झिएको छ ।
