काठमाडौं । निलगिरी खोला हाइड्रोपावर कम्पनी लिमिटेडको वार्षिक साधारण सभा मंसिर ३ गते हुने भएको छ । सभा कम्पनीको रजिष्ट्रर्ड कार्यालय, काठमाडौं महानगरपालिका वडा नम्बर २८, काठमाडौंमा गर्ने जनाएको छ ।
कम्पनीको कात्तिक ५ गते बसेको सञ्चालक समितिको बैठकले साधारण सभा गर्ने निर्णय गरेको हो । कम्पनीको सभा १२ः३० बजे शुरु हुने जनाएको छ ।
सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने कम्पनीको हिसाव, नाफा, नोक्सान, नगद प्रवाह लगायतका वित्तीय विवरणहरु पारित गर्ने जनाएको छ ।
त्यस्तै, साधारण सभामा आर्थिक वर्ष २०७८/७९ को लागि लेखापरीक्षकको नियुक्ति गर्ने प्रस्ताव लगायतका एजेण्डाहरु पारित गर्ने कम्पनीले जनाएको छ ।
