काठमाडौं । न्यादी हाइड्रोपावरको आइपीओ बाँडफाँड सम्पन्न भएको छ । न्यादी हाइड्रोपावरको पहिलो शेयर कारोबारका लागि न्युनतम प्रतिकित्ता ९४ रुपैयाँ १३ पैसा र अधिकतम २८२ रुपैयाँ ३९ पैसा सम्म रेञ्ज पाउने सम्भावना छ । पहिलो कारोवारको लागि कम्पनीले किताबी मूल्य देखि किताबी मूल्यको तीन गुणासम्म रेञ्ज पाउने गर्छन । कम्पनीको आर्थिक वर्ष ७६/७७ को वास्तविक नेट्वर्थको आधारमा रेञ्ज पाउने सम्भावना छ ।
स्पेसल प्री-ओपनिङ सेसनमा सो रेञ्ज भित्र कारोवार हुनु पर्छ। त्यस पछि मात्र कम्पनीको नियमित समयमा शेयर कारोवार सुरु हुन्छ। आइपीओमा गोलाप्रथा मार्फत २ लाख ९ हजार २ सय ५० जनाले १० कित्ताको दरले शेयर पाएका छन् भने बाँकी सबैको हात खाली भएको छ ।
