काठमाडौं । नेपाल बंगलादेश बैंकले १५.५० प्रतिशत लाभांश घोषणा गरेको छ । बैंकको असोज २४ गते बसेको सञ्चालक समितिको बैठकले आर्थिक वर्ष २०७७/७८ को मुनाफाबाट १२ प्रतिशत बोनश शेयर र कर प्रयोजन सहित ३.५ प्रतिशत नगद लाभांशको प्रस्ताव गरेको हो ।
सञ्चालक समितिले प्रस्ताव गरेको लाभांश नेपाल राष्ट्र बैंकले स्वीकृत गरे पछि मात्रै साधारणसभामा पेश गर्न सकिनेछ । साधारणसभाले प्रस्तावित लाभांश पारित पछि शेयरधनीहरुले प्राप्त गर्न सक्ने छन् । उक्त लाभांश शेयर बिक्री गरेर बाहिरिने अन्तिम चरणमा रहेको बैंगलादेश बैंकले पनि प्राप्त गर्ने छ ।
बैंकले प्रस्ताव गरेको लाभांश ५ वर्ष यताकै अधिकतम हो । निक्षेप तथा कर्जा लगानी तथा अन्य सूचकमा धेरै तल रहेको नेपाल बंगलादेश बैंकले यस वर्ष राम्रो मुनाफा आर्जन गर्न सफल भएको थियो । शेयर बिक्री गरेर मुनाफा बढाएको बैंकले लाभांश पनि राम्रै प्रदान गर्न लागेको हो ।
बैंकले विगतमा वितरण गरेको लाभांश
