काठमाडौं । हाइड्रोईलेक्ट्रीसिटी इन्भेष्टमेण्ट एण्ड डेभलपमेण्ट कम्पनीको लिलामी शेयरको बोलपत्र भोलि खोलिदैछ । लिलामी शेयरमा परेका बोलपत्रहरु विक्री प्रबन्धक ग्लोबल आइएमई क्यापिटल नक्साल काठमाडौंमा बिहान ८ बजे बोलपत्र खोलिने जनाएको छ ।
कम्पनीले हकप्रद शेयरमा विक्री नभएको शेयर असोज ७ गतेदेखि असोज १४ गतेसम्म सर्वसाधारण समूहको ३२ लाख २९ हजार ७२४ कित्ता र संस्थापक समूहको ३ करोड ३० लाख कित्ता शेयर लिलामीमा ल्याएको थियो । सोही शेयरमा परेको बोलपत्र भोलि खोलिने भएको हो ।
कम्पनीले गत साउन ५ गतेदेखि ८ गतेसम्म सत प्रतिशत हकप्रद शेयर निष्कासन गरेकोमा विक्री नभएको शेयर लिलामीमा ल्याएको हो ।
