काठमाडौं । सानिमा माई हाइड्रोपावर कम्पनीको शेयर मुल्य समायोजन भएको छ । कम्पनीले हिजो साधारण सभा र लाभांश वितरण प्रयोजनको लागि बुक क्लोज गरेसँगै नेप्सेले आज शेयर मुल्य समायोजन गरेको हो । नेप्सेले १० प्रतिशत बोनश शेयरपछिको शेयर मुल्य समायोजन गरेको हो ।
नेप्सेले कम्पनीको हिजोको अन्तिम कारोबार मूल्य ४४७ रुपैयाँको आधारमा शेयर मुल्य समायोजन गरेको हो । आज मूल्य समायोजन पछि कम्पनीको शेयर कारोबार ४०६ दशमलव ३६ रुपैयाँँमा खुल्ने छ ।
कम्पनीले गत आर्थिक वर्षको मुनाफाबाट शेयरधनीलाई १० प्रतिशत बोनश शेयर र शून्य दशमलव ५२६३ प्रतिशत नगद लाभांश कर प्रयोजनको लागि वितरण गर्ने निर्णय गरेको हो ।
उक्त लाभांश पारितका लागि कम्पनीले कात्तिक ११ गते साधारण सभा आयोजना गरेको छ । सभा बिहान ११ बजे सेलिब्रेसन हाईट सुकेधारा चोक काठमाडौंमा जुम माध्यमबाट हुने कम्पनीले जनाएको छ ।
