काठमाडौँ । नेपाल पूनर्बीमा कम्पनीले कर्पोरेट कार्यालयको आन्तरिक सजावटको लागी करिब डेढ करोड रुपैयाँ खर्चिने भएको छ । नेपाल पूनर्बीमाले थापाथलीमा कर्पोरेट कार्यालयको आन्तरिक सजावट, एयर कण्डिश्नरसहितको विद्युतीय उपकरणको लागी १ करोड ४१ लाख रुपैयाँमा ठेक्का लगाएको छ । हाल कार्यालय संचालन रहेको ट्रेड टावरको छेउमै अर्को भवनमा कार्यालय सार्न लागिएको हो ।
प्राविधिक मूल्यांकनको आधारमा करिब १ करोड ९९ लाख रुपैयाँ अनुमानित लागत कायम गरेर भदौ २० गते बोलपत्र आह्वान गरिएकोमा १७ वटा कम्पनी बोलपत्रमा सहभागी भएका थिए । सहभागीमध्ये न्यूनत्तम अंक कबोल गर्ने श्री हिमानी काव्य कन्स्ट्रक्शन सेवा सिन्धुलीलाई निर्माण कार्यको ठेक्का दिइएको छ
