काठमाडौं । प्रुडेन्सियल क्यापिटल म्यानेजमेन्ट कम्पनीको स्वामित्वमा रहेको चार कम्पनीको लिलामी शेयरमा आवेदन दिने आज अन्तिम दिन रहेको छ । कम्पनीले प्रभु बैंकको ५० हजार कित्ता, नेशनल लाईफ इन्स्योरेन्सको १ लाख कित्ता, नेपाल ग्रामीण विकास लघुवित्तको ३५ हजार कित्ता र प्राइम कमर्सियल बैंकको १ लाख कित्ता संस्थापक शेयर भदौ ३१ गतेदेखि लिलामीमा विक्री खुला गरेको हो ।
प्रभु बैंकको शेयरको मूल्य प्रतिकित्ता २०५ रुपैयाँ, नेशनल लाईफ इन्स्योरेन्सको प्रतिकित्ता ४२१ रुपैयाँ, नेपाल ग्रामीण विकास लघुवित्तको प्रतिकित्ता ४ सय रुपैयाँ र प्राइम कमर्सियल बैंकको प्रतिकित्ता २०८ रुपैयाँ तोकिएको छ ।
उक्त शेयर खरीदका लागि बोलकबोल गर्दा न्यूनतम २ हजार कित्ता र अधिकतम सम्पूर्ण कित्तासम्म माग गर्न सकिने व्यवस्था छ । शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।
शेयर खरीद गर्न चाहने विद्यमान संस्थापक शेयरधनी तथा अन्य जो कोहि व्यक्ति तथा संस्थाहरुले तोकिएको मूल्य वा सोभन्दा बढी मूल्य अंकित गरी गोप्य शिलबन्दी बोलपत्र पेश गर्नु पर्नेछ ।