काठमाडौं । कामना र सेवा विकास बैंक गाभिएर बनेको कामना सेवा विकास बैंक लिमिटेडले मर्ज पछाडी अहिलेसम्मकै सर्वाधिक लाभांश घोषणा गरेको छ । बैंकको हिजो साँझ ६ बजे बसकेको सञ्चालक समितिको बैठकले आर्थिक वर्ष २०७७/७८ को मुनाफाबाट चुक्ता पूँजीको १८.५० प्रतिशत बोनस शेयर र ०.९७ प्रतिशत नगद लाभांश दिने घोषणा गरेको हो ।
प्रस्तावित १९.४७ प्रतिशत लाभांश नेपाल राष्ट्र बैंकले स्वीकृत गरेपछि आगामी साधारणसभामा पेश गरिनेछ । साधारणसभाले पारित गरेपछि मात्रै शेयरधनीहरुले प्राप्त गर्न सक्ने छन् । हाल बैंकको चुक्त पूँजि २ अर्ब ६५ करोड रुपैयाँ छ । प्रस्तावित बोनस शेयर वितरण पछि बैंकको चुक्ता पूँजी तीन अर्ब १४ करोड रुपैयाँ पुग्नेछ ।
b38b4030f21bb694ceb729b599d71334
