काठमाडौं । मैलुङ खोला जलविद्युत कम्पनीको पहिलो कारोबार १८६.५ रुपैयाँमा भएको छ । नेपाल स्टक एक्सचेन्जले पहिलो कारोबारका लागि न्युनतम ९५.७५ रुपैयाँदेखि अधिकतम २८७.२५ रुपैयाँको रेञ्ज तोकेको थियो । तोकिएको अधिकतम रेञ्ज भन्दा एक सय रुपैयाँ कममै कारोबार भएको हो ।
कम्पनीले असोज ५ गते नेपाल स्टक एक्सचेन्ज सँग कारोबार संझौता गरेको थियो । दोस्रो बजारमा कारोबारका लागि MKJC संकेत प्रदान गरिएको छ । नेप्सेमा ३६ लाख ८१ हजार ४३० कित्ता शेयर सूचिकरण गरिएको कम्पनीले जनाएको छ । जस मध्ये सर्वसाधारणका लागि बिक्री गरिएको ७ लाख ३६ हजार २८६ कित्ता र प्रभावित क्षेत्रका बासिन्दाका लागि बिक्री गरिएको तीन लाख ६८ हजार १४४ कित्ता र संस्थापक समुहको २५ लाख ७७ हजार कित्ता रहेको छ ।
