काठमाडौं । आज नेपाली बजारमा सुन चाँदीको मूल्य घटेको छ । हिजो बिहीबार तोलामा ९० हजार ५ सय रुपैयाँमा कारोबार भएको छापावाला सुनको मूल्य आज १४ सय रुपैयाँले घटेर तोलामा ८९ हजार १ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
तेजावी सुनको मूल्य आज तोलामा ८८ हजार ६ सय ५० रुपैयाँमा कारोबार भइरहेको छ । हिजो तेजावी सुनको मूल्य तोलामा ९० हजार रुपैयाँ कायम भएको थियो ।
त्यस्तै, आज चाँदीको मूल्य पनि घटेको छ । हिजो तोलाको १ हजार २ सय रुपैयाँमा कारोबार भएको चाँदीको मूल्य आज ३० रुपैयाँले घटेर तोलाको ११ सय ७० रुपैयाँमा कारोबार भएको छ ।
